مرض الضغط

ما هو مرض الضغط 

مرض الضغط او ما يعرف بالقاتل الصامت :
مبدأيا ايه هو مرض الضغط هو زيادة ضغط الدم عن معدله الطبيعى  (120/80) ولكن بشكل مستمر و هو واحد من الامراض المزمنة

طب يانري ايه الاسباب الي ممكن تسببلنا مرض الضغط ؟؟؟

الاسباب يمكن ان نلخصها في 5 اسباب و هي

1/ التدخين ( اكيد احنا عارفين ان التدخين بيترتب عليه الكثير من الامراض و من ضمنهم الضغط )

2/ التوتر و العصبية ( لما بنتوتر وشنا بيحمر --- طب ليه ؟؟ علشان ضغطنا بيزيد فيزود الدم فبيبان علينا الون الاحمر فنستنج ان التوتر و العصبية بيسببوا مرض الضغط )

3/ السمنه المفرطة ( معظمنا عارف ان زيادة الوزن غلط --طب ليه غلط ؟؟ غلط علشان حاجات كتير من ضمنهم علشان بيخلوا الدهون تترسب في الشرايين فالضغط يزيد )

4/ الامراض ( ايوه زي ماقرأت كده .....بنسمع كتييير الدكتور بيقولنا لو متعالجناش من المرض ده هيجيلنا مرض تاني علشان كده فى امراض لو مهتمناش بيها هتسببلنا مرض الضغط زي  امراض القلب - امراض الدم - امراض الكلى )

5/ وراثى ( بنسمع كتير ان في حد عنده مرض الضغط علشان وارثه من ابيه او عمه او جده فعلشان كده هو وراثى )

ياااااااه ي دكتور انت بتخوفنا من المرض و خلاص يعني ممكن يعملنا ايه يعني  !!!!!

يعملنا ايه !!!

هيعملنا -لقدر الله مشاكل كتير -  زي مثلا
1/المخ ( ممكن يعملنا فيه نزيف دموي في المخ و ممكن يسببلنا جلطه ..متخيل يعني ايه جلطه !!!)

2/السكتة الدماغية ( و هي شلل فى جانب واحد من الجسم - صعوبة التكلم - صعوبة المشى و فقدان التوازن - صداع حاد و شديد )

3/ العين ( ممكن يسببلنا مرض الضفط مشاكل في القرنية و ممكن توصل لعمي لقدر الله )

4/القلب ( هيعمل مرض الضغط في القلب عمايل ممكن تسبب ذبحة صدرية )

5/ الكلى ( و هنا مبيهزرش هيعمل فشل كلوي )

6/ الموت ( و مرض الضغط السبب الاول للموت المفاجئ في العالم )