الالتهاب الكبدى الفيروسي C

                                               
                                               التهاب الكبدي الفيروسى

طب ايه هو مرض الالتهاب الكبدى الفيروسي ؟؟

هو مرض معدي بيسببه فيرس سي و يؤثر على الكبد عن طريق التهاب حاد او مزمن
                                            ------------------------------------

يا دكتور طب انا سمعت مره حد بيقول الفيرس اسمه الوباء الصامت ؟؟؟

- اه بالظبط الفيرس اسمه الوباء الصامت و ده ليه !!! علشان المرض ممكن يكون عندنا بس مبيظهرش علينا حاجه الا بعد 20 سنة بعد ما يكون اتمكن من جسمنا لقدر الله
                                              ---------------------------------

ياااااااااااااه ي دكتور هو المرض ده خطير كده !!!

- للاسف المرض خطير ....مرض الالتهاب الكبدى الفيروسي ممكن يسببلنا
                                 
                                        1/ فشل كلوي
                                        2/ سرطان الكبد
                                        3/ تليف كبدى
                                        4/ استسقاء
                                            ------------------------------------

ياااااااااااااه !!!!!! طب قولنا فيرس سي ممكن يتنقلنا عن طريق ايه ؟؟؟؟؟

- الالتهاب الكبدى الفيروسي ممكن يتنقلنا عن طريق --الدم --
يعنى زي مثلا
1/ استخدام ادوات المريض ( موس حلاقة - فرشاة الاسنان - القصافة و المقص - دبابيس الطرح - الملقاط ....)
2/ استخدام حقن ملوثة بدم المريض نتيجة لعدم التعقيم او استخدامها لاكثر من مرة
3/ نقل الدم و منتجاته دون الفحص اولا
4/ رسم الوشم و الابر الصينية
                                     ---------------------------------------

ربنا يستر ي دكتور .... طب ازاي نتاكد ان احنا مش مصابين بالمرض ده !!!

-لااااازم لااااازم التحاليل من فترة لفترة و خصوصا لو الشخص بيتعامل مع شخص مريض بالمرض ده
                                      -------------------------------------

طب ممكن تقولى ي دكتور ازاى احمي نفسي من مرض الفيرس ؟؟؟؟؟؟

- 1/ لازم تكون ادواتك الشخصية ليك لوحدك يعني زي ( ادوات الحلاقة - فرشاة الاسنان - القصافة - المقص - دبابيس الطرح - الملقاط ........)
2/ عدم استخدام الحقنة لاكثر من مرة و لاكثر من شخص و كمان لازم نتخلص منها بطريقة امنه
3/ عدم التبرع او اخذ الدم الا بعد الفحص الطبى و التاكد من عدم وجود مرض الالتهاب الكبدى الفيروسي
4/ التاكيد على اطباء الاسنان بتعقيم الادوات (داااااا حقك )

                                    ---------------------------------
يعني يا دكتور لازم اخلي بالى و انا بتعامل مع اي دم !!!!!

- بالظبط كده

طب ي دكتور لو حد حصله لقدر الله حادثة و نزف ..هتعامل معاه ازاى و في نفس الوقت احافظ على نفسي من المرض ده ؟؟؟؟

- مبدأيا لازم نرتدى كيس بلاستك او قفازات طبية قبل التعامل المباشر مع الدم او الجرح و تغطية الجرح جيداااا)
- و فى حالة وجود الدم على الارض او على الاسطح ارتداء كيس بلاستيك او قفازات طبية و استخدام قماشة و مطهر و التنظيف جيدا ثم التخلص من القماشة و الكيس بعيدا عن متناول اي شخص
                               ----------------------------------

فيديو يلخص ما تحدثنا عنه